Том Клеверли МанЮ-тай шинэ гэрээ байгуулж 2015 он хүртэл энэ багт үлдэхээр боллоо. Клеверли премьер лигийн анхны дебутээ найман сард Вэст Бромвичийн эсрэг хийсэн юм. Мөн Английн шигшээ багт ч дуудагдаад амжсан бөгөөд одоогоор талбайд гарч амжаагүй байна.

Юнайтедийн үндсэн багт багтахын өмнө Том Лестер Сити, Уатфорд, Уиган багуудад зээлээр тоглож туршлага хуримтлуулсан юм. Одоогоор тэрээр шөрмөсний бэртэлтэй байгаа бөгөөд Ливерпулийн эсрэг эргэн ирэх боломжтой. Сарын өмнө Болтоныг 5 : 0-ээр бут ниргэхэд залуу тоглогч энэ бэртлийг авсан юм.

Өдгөө 22 настай Том Английн U21 шигшээ багт 2009 оноос дуудагдаж саяхныг хүртэл 16 тоглолтонд оролцоод байсан юм.